(1)

Qed jarak

Agħmel ċert li ma tinsiex  

Li jarak Alla taħt il-friex

U taħseb xejn għal min se ttiħħ

Għax ikun jaf jekk tilgħab bih.

(2)     

Tani parir

Staqsejt l'Alla iniex se nfieq

Huwa qalli bla tlaqliq

“Tebut ixtri mur bil-kwiet

Għax s'għada jogħla b'sitt darbiet.”  

(3)

Richard Dawkins

Allat inħolqu ħafna u spiss

Ħafna jemmnu f'wieħed biss

’Il bogħod ma tantx qegħdin minn magħhom

Żidna wieħed mal-lista tagħhom.

.

(4)   

Il-Ħniena tal-Mulej

Xitan żghir ġie jpoġġi ħdejja

Jien bil-biża' għalaqt għajnejja

Qalli "Minni tibża xej'

Jien ma' qtiltx nies daqs il-Mulej."

(5)   

Pawlu hawn

Imma kemm konna żvinturati  

Li minflok xini tal-pirati  

Biex il-Maltin kollha jiddarsu

Ġie hawnhekk Pawlu ta' Tarsu                                                                                                                    

(6)

Kuraġġ ta’ Eva

Kieku nara serp viċin

Kważi jħossni ħass hażin

U jekk ukoll jgħid xi kelmiet

Nagħmel taħti fil-qalziet.

(7)

13 ta' Ġunju, 1984

Xmara ħamra fil-belt ta' Ruma

Qalbhom maqsuma, kollha kemm huma

Xeni bħal dawk ma' rajna qatt

Compagno Enrico, bħalek żgur ħadd.

(8)

Wara tlett ijiem

Jekk tkun taf xi ħadd li jmut

U taraħ stendut f'tebut

Ar' kif jaqbdek ħass hażin

Jekk taraħ ħaj wara ftit żmien.

(9)

Maskilist  

Pawlu kien isiba xkiel

Li nisa jgħallmu lill irġiel

Lilu ħadd ma ried li jmeri

Li lill l-irġiel kien jippreferi.

(10)

L-aħħar xewqa

Issa li qrobt sew is-sebgħin  

Kull ma' nixtieq, tgħidliex għalfejn  

Aħjar għada flok illum  

Hi li norqod u le nqum.  

(11)

Parir ta' omm

Staqsejt l'ommi jien minn jien

"Ibni bħalek m'haw' imkien

Daqsek balalu u fidil

imbeċilli u dellu tqil."

(12)

Ċirka 1971

Neputija resqet lejja

U poġġiet bilqiegħda ħdejja

Hawn dal-mus iftħu daqxejn

Ħalli biħ intik daqtejn.

(13)

All inclusive  

Kull min jgħid li l-ħabs lukanda

Fejn il-ħin kollhu ddoqq il-banda

Nhar ta' Ġimgħa jmorru fiħ

U jqattgħu weekend break tal-blieħ

(14)

Ristorant Ċiniż

Kieku Eva u żewġa Adam kienu Ċiniżi

Fid-dinja ma' kien ikun hawn ebda kriżi

U flok intiena jkollna biss riħa ta' fwieħa

Għax kienu jieklu s-serp flok it-tuffieħa.

(15)

Tgħaġġibiex

Il-gideb intqal kullimkien u f'kull żmien  

Hekk dejjem se jkun u hekk dejjem kien.

L-iktar gideb pero' għażiż ħija  

Kien dak li ġie mill-Galilija

(16)

Mard mentali

Tfaċċajt fuqi għal għarrieda

Ippruvajt tkissirli r-rieda

Fuqi għalxejn tagħmel pressjoni

Mhux ħa tkissirni, dipressjoni.

(17)

Bandiera bajda

Jekk raġel ma' kull mara jmur

Jgħidu kemmu xalatur

Jekk li tiżżewweġ armla taċċetta

Jgħidu ma’ toqgħodx mingħajr zalzetta

(18)

Krejazzjoni fażulla

Qatt staqsejt kif il-Mulej

Bħallikieku ma' kien xej'

Irnexxielu joħloq stilla

Jumejn wara d-dawl, jewwilla?

(19)

Urbanu VI

Dan il-Papa kien ftit trux

Ikolli ngħid, għax ma' semgħux

L-għajjat bl-uġiegħ tal-ikkalzrati

Kardinali ittorturati.

(20)

Obdewħ kelma b'kelma

Il-Messija darba qal

Biex it-talb ma' jkunux twal (1)

U il-knisja bil-kuntrarju

Ivvintatilna ir-Rużarju.

(1) Mattew 6:7

(21)

Wrong Number

Iltaqgħet ma' Lhudi veru gustuż  

Kien jidher li hu wkoll kien tal-flus  

Talabha n-numru, imma hi insistiet  

"Li issa għandna l-ismijet".

(22)     

Żibel uman

Issib dejjem kandidat

Li għax mill-poplu jkun ġie fdat

L-għan ewlieni tiegħu jkun

Li jsir l-akbar sinjurun

(23)

1579

Meta tħossok iddisprat

Tibqax waħdek f'dak l-istat

Għajnuna fittex bla dewmien

U b-hekk timxi il-quddiem

(24)

Poplu t'Alla

Trid tkun veru sakranazz

Biex tgħażel poplu imbarazz

Qattiel ta' trabi, nisa u xjuħ

U b'mexxej haqqhom jgħallquħ

(25)

Kliem Alla

Alla ordna lill-iskjavi  

Qis li dejjem tibqgħu bravi  

U dejjem obdu lis-sidien  

Għax inpattihjielkom jien.